..+..فضايح البنات عند نقطة التفتيش >>تصوير لواقعنا هع ..+..

من طرف **M!sS.boOona** الأربعاء نوفمبر 19, 2008 3:48 pm

يااا هلا والله بكل من دخل الموضوع .. نورتوا البيج

كيفكم؟؟

ايش أخبااركم؟؟

كيف الدراااسه معااكم ؟؟ >> نااويه تفتح سواليف الاخت هاتي الموضوع وفكينا tongue

جايبالكم فضايح البنات عند نقطة التفتيش ..****المديرة
يوم يفتشون مع الصبحية وكان الواحد له نفس يوقف جنب الدرج..
خلوووها على الله..
اسمعوا

البداية مع التفتيش..
ليش مريولك كنه فستان عرس؟ابله هذا ستايلي..
ليش حاطة عدسات زرق؟ابله عيوني هذي ..امي اوروبية..
ليش كل هذا الكحل؟ابله عيوني كحلية طبيعيا..
ليش المناكير؟ابله هذى حنة سودانية مو مناكير..
ليش ماتردين تحية العلم؟ابله بلعومي يعورني..هههههههههه
ومن الجهة الثانية صوتها وياسوالفها واصل لاخر صف..
ليش تسولفين بدل ما تستفيدي من الاذاعة؟ابله مو انا بس كل الصف..بعدين الاذاعة مكررة هي وفقرة هل تعلم السخيفة"حاشا القرآن"
ليش كل هذا المكياج؟ابله امس كان عرس ولد عمي للفجر ..ومالقيت وقت عشان اشيله..

طبعا في بنت رقيقة تصيح ..وفي بنت دفشة بكرة تجيب القبيلة كلها تشتكي..ههههه

وماننسى حركة التنقلات المستمرة..مثلا فلانة الدبة لما كانت بالثانوية كل يوم تنتقل طابور غير حتى يمكن طابورها ماتدله..

نمر للبنات اللي مبققات عيونهم على المعلمات..
وين ابله ستيوبلازم؟هذى واقفة جنب العمود اكيد غايبة
اوكي الحصة الاولى فاضيين..ياسلااام..
وين ابله "قد اعذر من انذر" هذى عندها مناعة طبيعية..ماتمرض
تغيب هي وربيعتها نو بودي..
وين ابله الحجم العائلي؟اوف بعد مب غايبة..لاوتشوف على بعد..
شافها ملك الموت"عزرائيل"اليوم..قولوا آآمين..
شوفو معلمة عطيات تنورتها تحفة..خيالية..آخر موضة..من وين اشترتها؟؟
عاد معلمة دراكولا مشترية الدمعة بدل ارنوبهاالقديم..
وتتكلم مع زوجها في الطابور لتضمن اكبر عدد من الناس شافوها..
تنزل اعلان بالجريدة احسن..

والحين قبل مانخلص نشوف سوالف الدلوعات..
امس رحت عرس جيراننا لبست فستاني الجديد الكشخة التركواز
والاكسسوارات اللي توني مشتريتهم من كليرز وصندل فرساتشي
اللي اشتراه اياه اخوي من لندن ههه..
وكل الناس تشوف على كأني انا العروس<<<معقولة..
تدرين مع من سولفت امس بالشات؟مع لبناني وحاط صورته يمه يذوب..
شعر اشقر وعيون خضراء..

ونخلص بالبنات اللي اختصاصهم الحش..
شفت فلانة امس فاتحة شعرها كنه خرطوم حريقة..
ولا علانة اللي كانت عايشة في ماليزيا,اليوم يايه بقميص صوف والحرارة 40درجة غبية وحدة..<<مايسوى على البنت..
ولا مجموعة شغالات الصف "هذيلا اللي يلمون الدفاتر ويجيبون المسجل او اللوحة للابله"
الصباح لقيتهم ينظفون السبورة..والله ينرحمون..
وفي النهايةتجي المعلمة وتقول مافي قلم:وين انتوا
في سوق السمك؟ويقومون البنات ويضحكون على اي شئ..

احم احم .. لا تحرموونا من ردوودكم وتعليقااتكمـ

وترا الموضوع منقوول .. واي كلجه انا أبريء نفسي منها >> خااايفـهـ من الفضااايح هع

مع التحيهـ :: بووونهـ ..

من طرف ***soosoo*** الجمعة نوفمبر 21, 2008 8:47 am

والله يحليلنا ...

تسلمي بونة على الموضوع الأكشناوي ...

ليش المناكير؟ابله هذى حنة سودانية مو مناكير..

آخر فلة ههههههههه

من طرف **M!sS.boOona** السبت نوفمبر 22, 2008 10:37 am

هلااا سوسو ^^

نووورتي البيج ياا عسوولهـ

يسلمووو ع المرور والرد

مع التحيهـ ::بوووونهـ ..

..+..فضايح البنات عند نقطة التفتيش >>تصوير لواقعنا هع ..+..

..+..فضايح البنات عند نقطة التفتيش >>تصوير لواقعنا هع ..+..

رد: ..+..فضايح البنات عند نقطة التفتيش >>تصوير لواقعنا هع ..+..

رد: ..+..فضايح البنات عند نقطة التفتيش >>تصوير لواقعنا هع ..+..